SMS அனுப்ப மைத்திரி செலவிடும் தொகை எவ்வளவு?

SMS அனுப்ப மைத்திரி செலவிடும் தொகை எவ்வளவு?

ஜனாதிபதி மைத்திரிபால சிறிசேன நாட்டு மக்களுக்கு குறுஞ்செய்திகளை அனுப்பி வைப்பதற்காக எவ்வளவு தொகை செலவிட்டார் என கேள்வி எழுப்பப்பட்டுள்ளது.

சித்திரைப் புத்தாண்டு நிகழ்வினை முன்னிட்டு தனியார் தொலைதொடர்பு நிறுவனமொன்றின் ஊடாக ஜனாதிபதி மைத்திரிபால சிறிசேன நாட்டு மக்களுக்கு குறுஞ்செய்தி ஊடாக வாழ்த்து செய்திகளை அனுப்பி வைத்திருந்தார்.

இவ்வாறு குறுஞ்செய்திகளை அனுப்பி வைப்பதற்கு ஜனாதிபதி செலவிட்ட தொகை எவ்வளவு என அறிந்து கொள்ள விரும்புவதாக பொதுமக்களின் உரிமைகளை பாதுகாக்கும் அமைப்பு தெரிவித்துள்ளது.

தகவல் அறிந்து கொள்ளும் சட்டத்தின் ஊடாக இது தொடர்பில் ஜனாதிபதி செயலகத்திடம் குறித்த அமைப்பு கோரிக்கை ஒன்றை முன்வைத்துள்ளது.

கடந்த ஜனவரி மாதம் 1ம் திகதி ஆங்கில புத்தாண்டு தினத்திலும் ஜனாதிபதி இவ்வாறு குறுஞ்செய்திகளை அனுப்பி வைத்திருந்தார் எனவும் அதற்காக செலவிட்ட தொகை குறித்தும் அறிந்து கொள்ள விரும்புவதாக பொதுமக்களின் உரிமைகளை பாதுகாக்கும் அமைப்பு சுட்டிக்காட்டியுள்ளது.

Facebook Comments